愛回家丨Elaine冷手執熱煎堆頂替Heidi 尋寶圖秘書位風水差頻頻換人？
《愛回家之開心速遞》昨晚一集「同事十分親」講到Elaine（李芷晴 飾）在女裝部偷偷預留限量版貨物而收到投訴，大小姐（林淑敏 飾）下令連發兩封警告信，再將她調職到電器部。Elaine男友Andy（崔錦棠 飾）深感不忿，於是提出Elaine調到他行政部的申請，兩人終日以拍拖為樂，但Elaine有感Andy只是打腫臉充胖子，最終還是申請調職到尋寶圖。
由於Heidi（關嘉敏 飾）早前辭職離開尋寶圖，所以Elaine名正言順頂替她的位置，可謂冷手執個熱煎堆。其實網友們都留意到「尋寶圖」秘書這個職位經常換人，由元祖級的欣欣（邵珮詩 飾）、Anita（梁茵 飾）、呂冠君（謝嘉怡 飾）等都先後登場，可惜四位均相繼離開劇組，網民笑嘲這個職位風水差，影響演員的發展，這次接手的Elaine是否能夠逃過一劫呢？
李芷晴在IG分享自己離開接龍百貨部一事的感受，「其實電器部件制服都唔係咁差啫，仲有百貨部件好似空姐嘅制服，着咗幾年其實都有啲唔捨得。不過當然有得着靚衫返工就更開心啦！由今日起，Elaine就係尋寶圖嘅員工啦！多多指教！」百貨部的Cammy（鍾晴 飾）都留言表達不捨。
李芷晴接受本網電話訪問，她表示：「由今晚呢集開始就會加入『尋寶圖』。其實我當初收到劇本嘅時候，非常開心，因為始終『尋寶圖』喺《愛回家》入面係一個好重要嘅場景，可以加入佢哋，唔單止演出機會多咗，而且『尋寶圖』入面嘅演員全部演技都好好，仲好錫我，嚟緊有一集講我加入咗之後點樣去適應Office環境，會有多啲內心戲要演繹。佢哋好好呀，畀好多意見，教我點樣可以去做好啲。有多啲機會同佢哋合作，可以向佢哋學習，對我嚟講係非常幸福嘅。」
對於「尋寶圖」秘書位置被指風水不佳，是否擔心地位不保？她說：「我都有睇網友提起呢個位嘅風水問題，我自己都覺得好有趣！唔怕嘅。之前大家一直都話我好幸運㗎嘛，係幸運女神，所以我有信心可以打破呢一個傳聞嘅！我反而留意到有啲網友話呢個職位嘅女仔都係靚女！而且都係要着短裙，希望我可以勝任唔太失禮啦！」
港生活人氣娛樂新聞
↓【限時搶⚡】原箱高鈣梳打餅↓
↓黑芝麻 / 芥末味｜口感香脆、高鈣健康↓
↓【限時搶⚡】Lanluis MGO520+紐西蘭麥蘆卡紅蔘蜂蜜便攜裝↓
↓補氣血｜改善睡眠品質｜促進腸道健康↓
