COLLAR成員芯駖罕有回應被標籤入女團年紀大 霸氣反擊：「唔通去改身份證咩？」
現年38歲的COLLAR成員芯駖（Sumling），於2021年以《全民造星IV》第四名成績，被挑選入女團COLLAR，並於2022年出道。出道後，繼Marf及Winka後，Sumling成為隊中第三名成員單飛推出首支派台歌《Spyling》。芯駖日前就接受電台節目《星光背後》專訪，剖白面對出道後因年齡而飽受批評的經歷，並開腔談到「高齡」女團成員的標籤。
▼▼點擊睇芯駖剖白入女團年紀大▼▼
芯駖罕有回應入女團年紀大
芯駖於《全民造星IV》決賽翌日被通知獲選入COLLAR，但與隊中最年輕成員相差17歲， 芯駖的年齡出道以來一直被標籤，亦成為網友揶揄的焦點。芯駖坦言，「一開始係有care，因為大家好focus落我嘅年紀，但後期心態就好似我哋（COLLAR）首歌《idc》一樣，真係『idc』（I don’t care），因為年紀係事實，我唔能夠改變，唔通去改身份證咩？既然咁，我就當做係一個橋樑，我認為上天安排咗呢個機會畀我，一定有啲啟示，我就要去把握，相信上天嘅安排係有原因。」
芯駖出道前當舞蹈員
談到出道前的經歷，芯駖（Sumling）因參加浸大舞蹈學會迷上跳舞，繼而有機會晉身演唱會舞蹈員。節目中，她披露做dancer時已經多次想報名參加歌唱比賽，但機會總是擦身而過，她憶述道，「細細個已經好鍾意唱歌，小學唱合唱團、中學唱女高音，一直都想再唱，但因為跳舞schedule太忙，如果參加歌唱比賽就無收入，所以揀咗跳舞。」
芯駖《全民造星IV》歷程
直至《全民造星IV》，芯駖決心一試，但從沒想過能加入18、22的女團，「從來都係實驗性質，首先節目好出名，而我好多跳舞朋友都報咗名，基本上有三分一都係跳舞識嘅朋友，令我好好奇拍攝嘅時候係點，順便攞下經驗同靈感。我亦好想知如果好似我呢個人設嘅人參加會點？可以行到幾遠？所以明知選女團好多18、22歲嘅選手，我都照去，無諗過可以去到決賽，每round都覺得會畀人foul。」
芯駖視波折為難關再出發
最初由八人組成的COLLAR，一出道就爆紅，但隨後不似師兄MIRROR初出道般順利，三年來遇過不少波折。問她有沒有為此沮喪或氣餒過，芯駖自有一套哲學與餘下六位隊友團結共渡難關再出發，她說：「氣餒一定無，因為我習慣咗，人生要打逆境波。過去我發生過唔同情況，亦捱過。我會當呢啲事係考驗。」
芯駖續稱：「最近睇咗一篇文章想分享，講龍蝦嘅生長，龍蝦每年都會生新嘅肉需要脫殼，會匿喺石縫間將擠擁嘅殼脫落，等再生新嘅殼，每次生新肉會重複呢個循環。就好似我哋遇到波折嘅時候，要將原有嘅自己打爛再重組，再去面對新挑戰，人生有壓力，就係成長嘅先兆，就會諗起『龍蝦論』。」
此外，COLLAR「有團魂」的形象為外界熟悉，談及再出發的COLLAR七女怎維繫團魂，芯駖表示，七姐妹相似的性格是最大關鍵，「我哋7個人性格都好爽朗、直接、善良，有啲咩都唔會收收埋埋，表裡一致，個個都好似老夫老妻咁。」
同場加映：【衝出嚟玩】最新影片
港生活人氣本地熱話
↓【限時搶⚡】原箱高鈣梳打餅↓
↓黑芝麻 / 芥末味｜口感香脆、高鈣健康↓
【請您去】iSQUARE國際廣場「爆」趣童玩之旅💥
↓ Striking爆炸糖Strikids(爆炸仔)小隊✨ + 本地懷舊玩意元素🙌 ↓
