《愛回家》賈名媛邱芷微男友求婚成功 武打演員陳志忠曾患胃癌未婚妻不離不棄
《愛回家》「賈名媛」邱芷微（Chelffy）與男友陳志忠（Wilson）拍拖多年，攜手走過人生高山低谷，幾年前二人分別患病，患難見真情。而二人的愛情故事終於修成正果，陳志忠趁經營的演藝學院五周年慶典上，在一眾學員及雙方家長見證下，向女友求婚。
陳志忠安排親友逐一向邱芷微送上玫瑰，陳志忠再向女友獻上大束鮮紅玫瑰，手持戒指跪下，換來滿臉淚水的邱芷微哽咽說「我願意」，全場掌聲立時雷動，所有在場見証者紛紛送上祝福，不少人都喜極而泣，場面溫馨。邱芷微在IG分享靚相，她留言說：「常驚喜的一個下午，I SAID YES！我完全冇諗過今日Wilson （陳志忠）會在星元素五周年Party 中，在咁多位賓客、雙方家人、學生及家長中見證下求婚。成日話佢功夫佬正正直直，但估唔到Wilson都有浪漫的一面，原來這個秘密的行動，佢籌備咗個幾月。我哋2014年認識至今，唔經唔覺10年，當中我倆甜酸苦辣都經歷過，真係唔容易，但令我們互相成長，互相包容，從而令大家順利一步一步地邁向人生另一階段。Thank you Wilson 感謝你！」
邱芷微接受訪問都話完全冇估到男友會求婚，非常驚喜：「因為一直在忙於籌備今日學院五周年嘅活動，估唔到能夠在各位嘉賓，學生及家長面前見證住這個人生喜悅。婚期預計明年年頭左右，不過都要與家人們商量細節。」佢大讚男友「計劃周詳」：「平時做活動我一定會好忙執頭執尾，但佢由日前以開始叫我今日在活動上乜都唔使處理，坐低專心睇show，招呼嘉賓就可以，但其實就係費事阻住佢同其他人夾咗嘅秘密行動。」
邱芷微與武打演員男友陳志忠拍拖多年，多年前邱芷微患上類風濕關節，Wilson則患上胃癌，需要接受化療及做大手術，切除8分之7大半個胃。而邱芷微一直陪伴男友抗癌，不離不棄，患難見真情。陳志忠IG留言說：「She say yes ，人生終於可以進入另一個新階段好興奮好開心。6月30日其實Chelffy開頭揀呢一日純粹係為咗舉辦演藝學院五周年會慶。但我暗地裏籌備求婚項目。我偷偷地上網了解6月30日呢一日，發現原來630係代表同你嘅愛人表達愛意。而且今年2024年6月30日原來係大吉日做任何事情都會順利。好像冥冥中有安排，今日所有事情都進行得非常順利。我相信Chelffy都非常難忘。特別要多謝我一班兄弟秘密團隊，秘密協助，令我可以順順利利，多謝大家。」
港生活人氣本地熱話
【請您睇戲】投選您心目中的金像獎影帝影后🫅🏻👸🏻
↓立即投票贏禮物！↓
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
