匯豐發佈首份全球9地《生活質素報告》香港得分低於平均 要有860萬先夠退休用？！
當每日返工兼加班做到唔知幾點收工嘅時候，好多人都會歎一句：「好想快啲退休！」但理性地諗吓：其實年紀大身體狀況會轉差，醫療支出會比壯年時多，而且加上通貨膨脹，其實要有幾多錢儲蓄先夠退休？ 匯豐發佈首份《生活質素報告》，訪問咗包括香港在內9個國家地區對象，了解佢哋係點樣定義良好嘅生活質素之餘，亦深入探討咗香港人喺面對退休，要做乜嘢準備。
===========
同場加映：
【家居達人】專家教颱風來襲6大必知 必學 DIY驗窗法+強制驗窗點搵師傅？1招預防窗戶意外
============
滙豐日前發布首份《生活質素報告》，訪問咗來自中國內地、香港、印度、馬來西亞、墨西哥、新加坡、阿拉伯聯合酋長國、英國和美國等9個不同市場嘅2,250名受訪者，均為擁有10萬至200萬美元可投資資產嘅人士，透過佢哋對身體健康、心理健康和財務狀況三方面嘅睇法，以了解對佢哋如何定義良好生活質素，調查發現，認為自己身體健康或財務狀況良好的人，在心理健康方面得分傾向高於平均水平，當中香港嘅生活質素總分為68分（滿分100分），較全球平均分75分為低。
三個影響生活質素的主要因素，香港及全球平均得分如下：
| 得分 | 全球平均 | |
| 財務狀況 | 80 | 82 |
| 生理健康 | 65 | 73 |
| 心理健康 | 61 | 70 |
| 總得分 | 68 | 75 |
喺受訪嘅9個地區中，香港嘅生活質素總分為68分（滿分100分），較全球平均分75分為低。
香港人退休 63%擔心身體健康轉差
該調查亦深入探討香港人嘅退休方面嘅準備。香港受訪者平均希望喺60歲退休，但出於經濟原因逾70%香港人預計會喺退休後繼續工作！講到退休後嘅生活，香港人關心嘅最主要問題包括身體狀況轉差、通脹及醫療成本上升。當中，香港受訪者對醫療成本嘅擔憂為9個受訪市場當中最高。另一方面，為咗應付退休生活，香港受訪者指主要依靠個人儲蓄，其次為投資收入和退休儲蓄計劃（強積金）。
香港受訪者對退休生活醫療成本嘅擔憂，為9個受訪市場當中最高。
報告又計算出，美國及香港係呢9個受訪地區中，需要最多儲蓄先可實行高質素退休生活的地區，其中美國需要120萬美元（約938.7萬港元），香港亦需要110萬美元（約860.5萬港元）。相比之下，喺印度市場要過高質素退休生活所需的資金最少，只需30萬美元（約234.7萬港元）。
報告計算出若要實行高質素退休生活，喺香港需要110萬美元（約860.5萬港元），係受訪9個地區中嘅第二高。
而整體而言，9 地區訪者喺退休後考慮得最多嘅5 大問題包括：
1.身體健康轉差（49%）
2.通脹導致退休積蓄價值下降（42%）
3.更高嘅醫療支出（40%）
4.需要儲更多金錢以達成舒適嘅退休生活（36%）
5.認知能力下降（26％）
而在香港受訪者方面，就有多達63%人關心身體健康轉差、53%人關心醫療開支增加、47%人擔心通脹，而香港人對身體健康問題及醫療開支嘅擔憂程度，為9個受訪地區之最。
text/Joyce
photo/HKET圖片庫
港生活人氣本地熱話
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
【社群送禮🌸】送您麒麟一番搾啤酒及「和風櫻花禮品套裝」！
↓簡單一步登記贏禮物！↓
