【周遊東京2】日本達人周奕瑋試過被當地人找麻煩 和解不成要勞煩警察
曾經在日本留學的周奕瑋，因為說得一口流利日語，加上在日本生活對當地有深入了解，所以得到青睞，主持旅遊節目《周遊東京》。節目反應不俗，觀眾都喜歡周奕瑋的介紹，所以再度添食有《周遊東京2》。
性格怕怕羞羞的周奕瑋，知道節目的反應好，他仍非常謙虛。拍新一輯節目時，依然做足很多準備及資料搜集，他說：「話晒我喺日本留學都係10幾年前嘅事，如果要介紹都已經好舊，所以要帶最新嘅嘢畀觀眾，於是拍攝之前我都去咗一次日本去睇下。」
如此認真，周奕瑋最希望觀眾睇完節目會用得著裡面的資料及建議，真的非常用心。
平時看節目，見到Jarvis操得一口流利日語，見到他與當地人的互動，也是相當自然舒服及友好的。
雖然在大眾眼中，日本人出名好客、有禮貌，不過所謂「一樣米養百樣人」，一個國家總會有好人、壞人，Jarvis曾在拍攝節目時，遇過日本人不太友好的對待。
Jarvis說：「當時仲係拍緊第一輯，當時我唔小心撞倒位姨姨，佢跌咗落地下，嗰一刻我立即去問佢有冇事，仲同佢道歉。
見到佢冇咩大礙，不過佢就好嬲，就話要追究同賠償佢損失。其他同事就話不如叫警察啦。
之後警察到咗之後，反而就話個婆婆唔啱，因為原來行人路上係唔畀踩單車，個姨姨聽完就話冇事就走咗。」
這一段插曲沒有令周奕瑋感到不快，反而成為了節目的靈感來源，在第二輯其中一集就以單車為主題，介紹大家一些可以踩住單車遊覽的景點。
圖：《周遊東京2》截圖
港生活人氣本地熱話
↓【限時搶⚡】SmileLife™ Probio益活 厚生益菌元↓
↓提升腸道益菌，加強免疫力｜改善易敏體質，對抗濕敏↓
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
