謝霆鋒送演唱會飛!相隔25年,終於等到謝霆鋒再開演唱會,今年4月將會在「啟德主場館」舉行《Evolution Nic Live謝霆鋒進化演唱會》。一連三場演唱會門票一開售已火速售罄,不少網民都表示撲個空,大呻一票難求。有見及此,謝霆鋒決定私人送出20張演唱會門票以及神秘盲盒,消息一出隨即引起哄動。
謝霆鋒演唱會|私人送20張演唱會飛
近日謝霆鋒在其社交平台發帖,表示得知很多歌迷都買不到演唱會門票,「最近都仲有好多人DM我/Tag我話買唔到飛,好想睇我演唱會」。對此,他親自回應表示打算私人送出送20張演唱會門票,「多嘅我真係冇辦法,我手頭上只可以攞到20張飛」。
謝霆鋒演唱會|加碼再送盲盒禮物
除了大送演唱會門票,謝霆鋒還想到送一份禮物,「就係再加送演唱會神秘盲盒,名額20個,但神秘盲盒係乜嘢就唔同大家講住」,希望可以增加大家中獎機會,認真寵粉無極限!
昨日(3日)謝霆鋒親自拍片發起《逆行》鋒狂唱挑戰,並講解贏取演唱會飛/神秘盲盒禮物,名額各有20個,參加方法如下:
▼《逆行》鋒狂唱挑戰IG Reels Remix教學▼
消息很快引起粉絲廣泛討論,有人大讚「呢個方法未開始已經篩走一堆人」、「鋒哥,這個活動太棒了」,正在熱切期待謝霆鋒IG出片。但也有人認為「難度指數爆燈」,紛紛留言「五音不全怎麼辦」、「我創意零分、歌喉負分,呢個抽獎一睇就知唔係屬於我嘅」,甚至有I人形容這個挑戰簡直是地獄,表示寧願去買黃牛票。
▼網友留言▼
楊博士透露拉姑嗌救命
由於全城瘋搶,近日疑似有「黃牛」在網上放飛,門票被炒至17萬多元一張,認真誇張!雖然霆鋒開show,但就連阿媽狄波拉都大呻冇飛,英皇集團主席楊受成博士透露:「阿拉姑都嗌晒救命呀!」當問到是否唔夠膽聽電話,驚人打去求飛,直言:「聽(電話)!點會唔聽!我話你哋登記先,到時如果有我就俾你。」
相關文章︰謝霆鋒演唱會2025 座位表+公開發售日期!Cityline優先購票+購票連結!附票價詳情
霍汶希呼籲勿買黃牛
有人再問會否加場?楊博士發揮幽默本色,稱:「你知佢好有性格㗎,冇人可以叫到佢㗎,佢而家諗緊。」對於門票被炒高至6位數字,日前跟楊受成、四哥、拉姑及霆鋒團拜的英皇娛樂集團營運總裁霍汶希(Mani),便籲大家要理性購票:「大家咁支持霆鋒當然開心,但希望大家理性啲,唔好咁炒貴啲飛,同埋唔好幫襯黃牛。」
來源︰HKET