中年好聲音2丨譚輝智「三料高分」進入三強 黃劍文脫腳淘汰被顏米羔力壓
TVB歌唱比賽節目《中年好聲音2》決賽《中年好聲音2登峯之戰》於今日（24日）晚上8時舉行，TVB翡翠台將同時全程直播。七強日前已經正式出爐，包括古淖文、安雅希、譚輝智、顏米羔、黃劍文、沈宗賢、陳俞霏，將於今晚爭奪《中年好聲音2》冠軍寶座。
同場加映：金像獎提名女主角│衛詩雅曾被嫌棄冇人氣失機會 零收入與陳家樂互相借錢度日
譚輝智慢歌加埋快歌所得分數係7位之中最高分，同時都係觀眾投票最高分。賽前大熱之一黃劍文最終三甲不入。
沈宗賢慢歌唱出張信哲嘅《別怕我傷心》，一聽就覺得好高難度，結果被評判伍仲衡指佢降咗key，唱唔出個爆發力，肥媽都話佢太保守但有81分高分。快歌唱出譚詠麟嘅《暴風女神Lorelei》，肥媽大讚佢跳得好，好似練咗好耐咁；周國豐就略嫌佢情緒太開心，呢首歌情緒要憤怒。
顏米羔慢歌唱出張學友嘅《寂寞的男人》，周國豐就指呢首歌當中嘅「酸」好難唱，最終有73分。快歌唱出陳奕迅《衝口而出》，伍仲衡同陳慧嫻都覺得佢表現從容，可以駕馭歌曲。
陳俞霏慢歌唱出已故歌手陳僖儀嘅《蜚蜚》張佳添話睇到佢自己一個企喺台上嘅淡定，三五七八年都會成功，伍仲衡就話唔夠感動，最後得70分。快歌唱出陳奕迅《愛是懷疑》，張佳添再次大讚佢可以做到自己，楊千嬅都話呢隻歌好難唱，但就好合適佢。
譚輝智慢歌唱出許志安《想說》，陳慧嫻認為佢面部表情唔夠肉緊，肥媽大讚佢哭腔哭得好，楊千嬅畀出20分高弟，最終有76分。快歌唱出張學友《屈到病》，陳慧嫻指佢應該跳「機械舞」，手腳就唔使郁咁多。
古淖文慢歌唱出梅艷芳同同倫永亮嘅《心仍是冷》，楊千嬅因為頭先畀唔到評語輝智，竟然一個回馬槍喺評價古淖文時大讚輝智，得74分。快歌就唱出《冬天裏的一把火》，伍仲衡激讚佢似有40年功力，張佳添亦話佢好有台風有星味，不過就應該唱英文版。
黃劍文慢歌唱出張學友《三天兩夜》，周國豐表示佢喺聲沙情況下都冇嚴重炒車係超水準表現；張佳添就話有瑕疵，overall 佢好喜歡，得到72分。黃劍文快歌唱出吳國敬《玩火》，
安雅希慢歌唱出盧冠廷《但願人長久》，楊千嬅一直有留意比賽，指佢進步好多，叫佢多欣賞自己，得到74分。安雅希快歌唱出鄭秀文《眉飛色舞》，大家都估唔到佢可以做到跳唱，陳慧嫻就叮囑佢唔好再減肥。
圖片來源：電視截圖
港生活人氣本地熱話
↓【限時搶⚡】原箱高鈣梳打餅↓
↓黑芝麻 / 芥末味｜口感香脆、高鈣健康↓
【社群送禮🌸】送您麒麟一番搾啤酒及「和風櫻花禮品套裝」！
↓簡單一步登記贏禮物！↓
