垃圾徵費｜全港90個廚餘回收點喺邊度？有邊啲廚餘唔可以回收？
垃圾徵費將於4月1日落實推行，屆時家居垃圾將會按袋收費，愈大袋收費愈貴，而佔咗家居垃圾好大份量嘅，其實係廚餘！少數怕長計，慳得一蚊得一蚊，真係值得認真諗吓點樣妥善處理廚餘！其實政府現時喺各區設置咗近90個廚餘回收點，究竟喺邊度？不過原來並非所有廚餘都能回收！究竟乜嘢可回收？乜嘢唔可以呢？
============
同場加映：
【家居達人】皮梳化污漬徹底清潔法 貓爪痕可以點補救？輕鬆清除原子筆痕
============
目前政府喺全港多區嘅公共屋邨，都設置多個廚餘回收箱，市民可以登記成為會員，一邊做回收，一邊儲積分。但原來家用廚餘並非樣樣都可以倒入回收箱，必先經過仔細分類。以下廚餘，不論生、熟、變壞都可作回收用途，包括：
魚類：魚類嘅器官及腸臟、魚鱗、有殼海產、小型骨頭
肉類：切碎嘅肉類、肉類脂肪、禽畜內臟、殘餘物
蔬果：水果（包括皮、核、種子）、蔬菜、菇類、豆類及豆製品
穀類：米飯、粉麵、麵包、麵粉、蛋糕、燕麥
其他：茶葉渣、咖啡渣、湯渣、中藥渣、蛋殻、乳製品、甜品、堅果、醬料、寵物食品
中藥渣係可以回收嘅廚餘。
邊啲係不可回收廚餘？
1.含水分太多：如湯、粥、飲品
2.過硬：如過硬嘅骨頭、貝殼、蟹殼、榴槤殼、粟米芯、椰青、芒果核
3.過大：如豬筒骨、斧頭扒骨
4.食物包裝：如包裝袋、飲管、罐頭、餐具、餐盒、玻璃樽、茶包、紙巾、牙簽
5.其他：枝葉、雜草、切花、節日植物、藥物
唔單止過硬嘅骨頭，連椰青及榴槤殼，都係唔可以回收㗎！
罐頭，入面嘅食物可回收，個罐係唔可以回收㗎！
全港廚餘回收箱地點一覽
現時香港環保署於部分屋苑設有廚餘回收桶，其中「智能廚餘回收計劃」在全港逾 40 條公共屋邨設置智能廚餘回收箱，要留意：廚餘回收桶係紫色，與一般回收桶或垃圾桶有區別。另外，部份私人住宅樓宇及屋苑亦設有智能廚餘回收箱（詳情按此，更多廚餘回收地點及詳情，可向你所屬的屋苑查詢）；而「綠在深水埗」亦在 2023 年 9 月設置首個公眾智能廚餘收集點。
公共屋邨
港島：觀龍樓、連翠邨、漁灣邨、環翠邨、興東邨、小西灣邨、石排灣邨
九龍：德朗邨、橫頭磡邨、竹園南邨、慈康邨、慈正邨、慈民邨、慈樂邨、彩雲一邨、彩德邨、啟業邨、牛頭角上邨、秀茂坪南邨、坪石邨、平田邨、油麗邨、順利邨、白田邨、元州邨、蘇屋邨
新界及離島：尚德邨、健明邨、安蔭邨、長康邨、葵盛西邨、大窩口邨、葵芳邨、荔景邨、梨木樹邨、梨木樹一邨、梨木樹二邨、石圍角邨、欣田邨、菁田邨、和田邨、安定邨、富泰邨、天恒邨、天恩邨、天華邨、利安邨、水泉澳邨、沙角邨、豐和邨、秦石邨、頌安邨、駿洋邨、皇后山邨、暉明邨、嘉福邨、清河邨、大元邨、廣福邨、逸東(II)邨
環保署在全港逾 40 條公共屋邨設置智能廚餘回收箱。
私人屋苑
港島：杏花邨
九龍：麗港城 3 期、采頤花園
新界及離島：皇府山、荃威花園、縉皇居、Capri、The Parkside、Monterey、Savannah、慧安園、坑口村、峻瀅 II、新都城 1 期、東港城、峻瀅、恒順園、新港城、帝堡城、玖瓏山、新城市廣場三期 、華景山莊
公眾智能廚餘收集點
九龍：綠在深水埗
【INFO】
智能廚餘回收計劃（公共屋邨）
網址：https://www.foodwasterecycling.hk/prh/
私人屋苑智能廚餘回收箱詳細位置
網址：https://www.wastereduction.gov.hk/sites/default/files/news/Locations_of_Food_Waste_Smart_Recycling_Bins_(Private%20Estates).pdf
綠在深水埗
網址：https://www.wastereduction.gov.hk/zh-hk/waste-reduction-programme/greencommunity/greensham-shui-po
text/joyce
photo/HKET圖片庫
港生活人氣本地熱話
↓【限時搶⚡】原箱高鈣梳打餅↓
↓黑芝麻 / 芥末味｜口感香脆、高鈣健康↓
↓【限時搶⚡】Lanluis MGO520+紐西蘭麥蘆卡紅蔘蜂蜜便攜裝↓
↓補氣血｜改善睡眠品質｜促進腸道健康↓
