掃$1食品、精選福袋！香港美食博覽2016
一年一度的美食博覽即將開幕，愛吃之人準備出動！「美食博覽2016」將連同「國際茶展」和「家電‧家品展」同期登場，今年更首次舉辦「美與健生活博覽」，展出多款健康及美容產品，每張套票$40，可以行勻4個展館。（另有其他門票種類）
今屆美食博覽將有1,400個參展商入場，分3個區域包括「貿易館」、「尊貴美食區」和「公眾館」，想參觀「尊貴美食區」的公眾人士可於8月11日-14日期間進場，而「公眾館」則於展期內每日對外開放。
每年人流最多最旺場的「公眾館」，將設一道「美食薈萃廊」，雲集超過30個知夠飲食品牌，包括日清、美心、大班、官燕棧、奇華餅家等等，多個攤位都有最吸引的「$1食品」和「福袋」，入場前率先睇睇：
$1食品：
1. 「靠$1撈起」（冠華食品）
首日（11/8）頭50名參加者，可以$1在3秒內用筷子夾任夾「天然堅果」及「健康乾果」系列產品，難度都幾高。
2. 「$1搶水晶月餅」（醉榴香）
首日（11/8）頭3位顧客，用$1就可參加「搶水晶月餅」遊戲，30秒內徒手從水晶箱內取10個以上榴槤水晶皮月餅，即可一世免費食貓山皇榴槤冰皮月餅（每年一盒），榴槤迷可以挑戰一下！
3. 「$1搶平底鑊」（Q嘜）
美食博覽期間，Q嘜將限量發售$1 Kinoc建樂士不秀鋼平底鑊（原價$450），名額4個；同場更會發售$1老字號雙喜牌百花蜜，名額有30個，必搶！
4. 「$1飲熱賣啤酒」（BROTHERS）
$1優惠價試飲熱賣啤酒，每日1000杯，先到先得，售完即止。拖肥和蘋果味很夾，易入口，比一般Apple Cider豐厚。
5. 「$1隨機換健康食品」（紐西蘭專門店）
每年熱賣商品！展覽期間，可以$1換購天然紐西蘭三葉草蜂蜜/金錢菇/意大利蜜糖鳥結糖/鹽焗開心果/人參糖，產品隨機派鱗，限每日頭10位顧客。
6. 「$1試飲健康飲品」（YOU‧C1000）
$1試飲價購買YOU‧C1000的維他命蘋果飲品，每日限量100樽，售完即止，酸酸甜甜行到攰解渴一流！
7. 「$1食松露炒蛋」（Zigante Tartufi）
兩大$1優惠，包括：$1購買50g黑松露醬，以及$1購買松露炒蛋，名額每日各20名。
8. 「$1鮑魚許願樹」（安記）
首10名顧客可以$1掟「鮑魚許願樹」，拋中的話可獲得5盒共30隻鮑魚，拋不中仍可獲兩位；如果掟中機上的指定樹枝，更加獲贈共168隻鮑魚，相信會是全場最旺的攤位。
福袋：
1.「出前一丁旅行袋套裝」（日清）
出前一丁旅行袋套裝售價$100，送清仔旅行袋（附送出前一丁拉鍊小袋）和特別版出前一丁碗筷套裝，套裝內含15款出前一丁及米粉。
2.「合味道福袋套裝」（日清）
合味道福袋套裝售價$70，附送合味道購物袋和合味道香港發售30週年紀念變色杯1個，套裝內含9款杯麵及薯片，包括未登場的喇沙味。
3. 「熊貓福袋」（奇華餅家）
熊貓福袋內含一盒「兩口子熊貓曲奇」（士多啤梨及朱古力味）、一盒中秋熊貓果味金酥（四件裝）及一個熊貓儲物罐，售價$119，另可以$1換購熊貓環保袋一個，會場限定，數量有限，先到先得。
4. 「奇華福袋」（奇華餅家）
奇華福袋內含7款餅食，包括牛油雞蛋仔、腰果馬仔（四件裝）、迷你合桃酥、冬蓉老婆餅、正式雞蛋糕、朱古力鳳凰卷及杏仁粒薄片，售價$99。
5. 「榮華福袋」（榮華）
售價為$30，各個時段限售30份，內含價值不少於$260的榮華產品，當中有一份更是價值$528 的豪華版福袋。
*3歲或以下小童及65歲或以上長者免費入進
*門票於「TNG-香港人的電子錢包」、指定7-11及OK便利店、快達票售票網發售
*晚場門票只限於會展售票處即場發售
活動資訊
- 日期2016年8月11日 - 2016年8月14日 10am-10pm
- 日期2016年8月15日 - 2016年8月15日 10am-6pm
- 地址 灣仔博覽道1號香港會議展覽中心
港生活人氣本地熱話
↓【限時搶⚡】原箱高鈣梳打餅↓
↓黑芝麻 / 芥末味｜口感香脆、高鈣健康↓
↓【限時搶⚡】Lanluis MGO520+紐西蘭麥蘆卡紅蔘蜂蜜便攜裝↓
↓補氣血｜改善睡眠品質｜促進腸道健康↓
